Ka samoi krehkaam u President ka ri, u Ram Nath Kovind u kut noh ko ha ka 24-07-22. Kamtæ katkam ka Article 62 ka riti synchaar (Constitution) ka ri daw pynman noh ya ka Election yow jied ya u President wa thymme kawa hap wow pyndep chwa ka tarik wa da kdaw haneiñ.
Ka Article 324 ka Constitution deilang waka aiñ Presidential & Vice-Presidential Elections Act, 1952 waka Presidential & Vice-Presidential Election Rules, 1974 da kdaw wa yow pynman ya ka Election toh da ka Election Commission of India.
Kani ka Election daw man ko leh kawa 16 wei yow jied President, wei toh deiwa thap Vote da ki MP ka Rajya Sabha, ka Lok Sabha wa ki MLA yong waroh ki jylla wa Union Territory ka ri. Kiwa man kam ki Nominated Member ka Rajya Sabha wa Lok Sabha kamjooh ki MLA ym ye ki wow thap Vote.
Ka tarik wow thap pyrtuid ki kyrtong u man ko haka 29-06-22, u sylli ya ki kot ki sla toh haka 30-06-22, ka tarik wa khaddooh wow kynran dien toh haka 02-07-22, ka tarik wow thap Vote toh haka 18-07-22 katwa ka sngi wow niaw Vote toh haka 21-07-22.
