Ka District Agriculture Officer wa Member Secretary DLCC 11th Agril Census, East Jaiñtia Hills District, Khliehriat da pynbna paidbah ko wa ka Department of Agriculture and Farmers Welfare, Ministry of Agriculture chirup wa ka Department of Agriculture, Meghalaya daw pynman ko ya ka 11th Agriculture Census 2021-2022.
Ya ka Agriculture Census da pynman man ka 5 snem wei lyngba kani ka Census daw yoh yutip yei em ki thaw rep wa i heh yong ki, i rukom e wai ya ki thaw rep, i rukom rep, i rukom pynemkaam ya ki sboh wa kiwi kiwi.
Ya ka yutip wa yoh na ka Agriculture Census daw pynemkaam wow chna ya ki aiñ wa ki thong krehkaam ka sorkar kiwa yatoh wa ki kaam rep.
Chooh chooh kani ka 11th Agriculture Census toh ka Census kawa nyngkong wow pynemkaam da ki Smart Phone wa ki Tablet wow yoh yutip wei wow pyndap ya ki yukheiñ. Ka yung krehkaam ka District Agriculture Officer daw pynman ko ya i chim yutip na waroh ki chnong kiwa haap hapoh ka District da i krehlang wa ki bru sorkar yong ka chnat waphær waphær hapoh ka District.
