Ka Meghalaya Football Association da pynbna ko wa daw sdang ya ka Amateur Football League hapoh ka jylla kawa daw sdang ha uni u Naiynru.
Kani ka League daw em ko 20 tylli ki liang wow chimbynta ha ki 10 bnai deiwa yaleh da ka Round Robin Format. Kani ka lympung toh du neibynta kiwa man kam ki Amateur wei daw sdang ko nadooh ka 11-06-2022.
Yeini da pyntip da u Treasurer ka MFA, u Wanshan Kharkrang wa u Adviser ka MFA u Arki Nongrum heiwa kani ka lympung daw man ko leh kam ka laad ka kabu ya kiwa ka-it wow yaleh bol ha Meghalaya wei ya kani ka League daw pynman ha Shillong, wei da em i thmu wow pynman leh cha kiwi ki bynta ka jylla ha ki snem wow wan.
