Ka Seiñ Kur Dkhar East Jaiñtia Hills District (SKDEJHD), daw pynman ko ya ka Annual General Council neibynta u snem 2024, ha Community Hall yong ka chnong, Khliehriat West, East Jaiñtia Hills ha ka 14 tarik uni u bnai (December), 2024, heipor 11:00 waje i step yow yapyrkhat, yaklam wei u yapynbait ya kiwa boon ki kaam ki jaam wa kynthup leh yow pynthymme ya kiwa kitakam neibynta ka samoi krehkaam 2024-2027.
Katwa kamtæ, lyngba kani ka Wyrta, ka SKDEJHD da pyntip ko cha waroh ki parakur Dkhar kiwa em hapoh yong ka East Jaiñtia Hills District wa kynthup haroh ya waroh kiwa em hapoh ki chnat krehkaam yong ka, nadooh ki Circle hadooh ki Unit waphær waphær yong ka Seiñ Kur Dkhar East Jaiñtia Hills District, wow sñiawbha ki u ya pynlait por khnang wow yawan ryntih wei biang por cha katai ka Annual General Council khnang yow man ko kawa phooh wa phieñ, kawa chongkun wei kamjooh leh khnang wa ki kaam wow yapyrkhat wei u yaklam ha katai ka sngi yow man ki kiwa lai ryntih wei kiwa jop.
Kamjooh leh lyngba kani ka Wyrta, da kyrpaad haroh ya waroh hi-eh kiwa kitkaam yong ki Circle wa ki Unit waphær waphær kiwa em hapoh yong ka Seiñ Kur Dkhar East Jaiñtia Hills District, wow sñiawbha ki u ya pynbna paidbah ya kani ka Wyrta ha jar jiar ki chnat krehkaam khnang yow yatiplang waroh ki para kur Dkhar.
Ya kani ka Wyrta da pynlait da u Teras Dkhar, President wa u MH Dkhar, Adhoc General Secretary yong ka Seiñ Kur Dkhar East Jaiñtia Hills District.
Discussion about this post