Ka dorbar kur yong ka Kur Phawa-Siangshai daw man ko ha ka 14 tarik uni u bnai (January) ha madan thymme Lumpyrdi Mihmyntdu, West Jaiñtia Hills kawa daw sdang ha i por 10:00 waje i step.
Kamtæ da ini da pyntip cha ki para kur waroh wa khamtam ya kiwa kitkaam Unit yong ka kur wow yawan ryntih cha kani ka dorbar khnang wow ye u pynhær lama lang waroh ha i por wa biang.
Ha kani ka dorbar daw em leh i saam khusnaam ya kitu ki khynnah skur kiwa da lehbha ha ki Exam waphær waphær wei daw em leh ka pynkup burom ya ki kñi, ki ma, ki woh ki beikhian, beilood, beipun kiwa da palat ya ka 80 snem chaneiñ.
Ha kani ka dorbar kur daw pynlait paidbah leh yei rwai ka kur namo ka Theme Song wa da pynkhreh da ka Art and Culture Committee.
Kamtæ da kyrpaad joor ya waroh ki parakur wow ya wan sakhi lang ha kani ka dorbar kur kawa ynñiaw yow yoh phi u sñiaw wei wow tip ya ki kaam wa i thmu wa bha yong ka kur kiwa da leh hadooh katni.
Ka Wyrta na u Ruhipaia C. Phawa, Publicity Secretary Kur Phawa Siangshai.
