Jowai: Ka dorbar paidbah kiwa chet ja sngi (Mid-Day Meal) ha ki skur ha ri-loom Jaiñtia, u man ko ha ka 15-05-2019 naduh i por 10:00 waje i step ha Yungwalieh ka chnong Panaliar, Jowai.
Ha kani ka dorbar daw yaklam bniah hajrong ka nong kawa su ka sorkar ya kiwa chet ja iwa T. 1000 chi bnai, iwa yoh su hadien le-soo bnai, kamjooh daw yaklam ya i bha i miat wa i yada ya kiwa chet ja sngi kamwa man lang kiwi tawan ki wakreh kiwa da su da ka sorkar.
Kamtæ neiliang ka General Secretary ka All Jaiñtia Mid-Day Meal Workers Union, ka N. Toi da kyrpaad joor ko ya waroh kiwa chet ja sngi kiwa em ha waroh ka ri-loom Jaiñtia wow sñiawbha ki u yawan waroh cha kani ka dorbar, khnang wa yow ye u yakrehlang yow ya kitlang ya ka hok kawa u dawa, kawa chong hok u yoh na ka sorkar Meghalaya wa na ka sorkar India.
Ka yakreh lang yong waroh toh iwa kongsan bha ha kini ki sngi, khnang yow lai bait lai ryntih noh i hok, i myntoi iwa toh u yoh kiwa chet ja sngi na ka sorkar jylla Meghalaya waka Sorkar India, pynkut ka kyrwoh naka N. Toi, GS, All Jaiñtia Mid Day Meal Workers Union.
Discussion about this post