Ka dorbar paidbah ki Muster Roll kiwa kreh ha ki tnat ka sorkar jylla Meghalaya ha ri-loom East wa West Jaiñtia, u man ko ha ka 17-08-2018 heipor 10:30 i step ha District Library Auditorium, Mynthong Jowai.
Ha kani ka Dorbar u ya klam bniah ya iwa su nongsngi ki tnat sorkar hadien ki ynru ynñiaw bnai, kawa man hadooh katni du T. 184 donhi chisngi, kawa su ki chisien chibnai. U ya kyrpaad leh ya ka sorkar jylla Meghalaya yow yaleh ko u pynku ya ka nong sngi ya ki Muster Roll cha ka T. 300 chisngi kam wa da ku ka yaw ka haat hadooh katni. Neitæ wa ya u snem u chong ngiah noh na i kreh kam ki Muster Roll na ki tnat ka sorkar Meghalaya.
Kamjooh leh daw yaklam heiyatoh wa i wym e ka tnat Labour ka sorkar jylla ya ki hok iwa toh u yoh kiwa da man dkhot ha ka Meghalaya Building & Others Construction Workers Welfare Board. Natloor kitai waroh u yaklam haroh i ya u pynkhlan ya i kremkam ka seiñ ha waroh kawi ka ri-loom Jaiñtia.
Kamtæ, da kyrpad joor ya waroh ki Muster Roll kiwa kreh cha sarok wa hapoh Office wa ym hoi wot u dam u wan cha kani ka Dorbar, khnang wa yow lai bait lai ryntih i hok i myntoi iwa toh u yoh na ki tnat sorkar jylla Meghalaya, kamwa ya ki Muster Roll wa kiwa kreh mylla sngi da tipmit da ka aiñ ka sorkar India kiwa kreh mylla sngi ha ri-loom Jaiñtia wa ha waroh ka jylla Meghalaya.
Ini toh katkam wa pyntip u R. Passah, General Secretary Meghalaya PWD Muster Roll Workers Union, Jaintia Hills Unit, Jowai.
Discussion about this post