Ka Kur Tang Pyllun daw pynman ko ya ka Dorbar Pyllun (General Meeting) kawa nyngkong dooh ha ka 22-04-2023 ha chnong Thadmuthlong, West Jaiñtia Hill District heipor 10:30 i step.
Kamtæ da khut sñiawbha ya waroh ki khon ka kur kiwa em ha kylleiñ soodong yong ka Meghalaya wa cha kiwi tawon ki thaw u sñiawbha phi u wan cha kani ka Dorbar Pyllun kawa nyngkong dooh.
Ha kani ka sngi daw yoh leh ya i sneiñ kyntu na ki waheh wasian yong ka kur kamjooh daw em leh i pynkup burom namo ka Academic Award ya ki khon ka kur kiwa yoh 75% chaneiñ ha ka SSLC, HSSLC kamjooh leh ya kiwa yoh ya ka kyrdan Doctorate.
Ha kani ka sngi daw pynkup burom leh ya ki tymmen yong ka kur kiwa da kynjoh ya i rta wa palat 80 snem.
Kamtæ da kyrpaad ya phi ki khon yong ka kur waroh u sñiawbha phi u wan cha kani ka yachemlang wa nyngkong dooh.
Kani toh katkam ka Wyrta na u A. Tang uwa ma u Secretary ka Kur Tang Pyllun wei ya ka yutip wa bniah ye u Phone ha u Number-7005250897.
