Ka National Testing Agency (NTA) kawa da thung da ka Ministry of Education ka sorkar India kawa man ka chnat krehkaam kawa laitlood, daw pynman ko yaka All India Sainik Schools Entrance Examination (AISSEE)-2024 yow lai puræ cha ki Class VI wa Class IX (chynrang wa kynthai) ha ki 33 tylli ki Sainik School wa em ha kylleiñ ka ri neibynta u snem lai puræ 2024-25.
Ki Sainik School toh kiwa sikai hei ktien English kiwa man leh kem ki Residential School wei kiwa da tipmit da ka CBSE. Kini ki skur pynkhreh ki leh ya kiwa lai puræ yow psiah cha ka National Defence Academy, Indian Naval Academy wa kiwi de ki thaw sikai yow man kam ki sahep chipai.
Neiliang ka Ministry of Defence (MoD) dang dep ko wow mynjur ya 19 tylli kiwa dang thymme ki Sainik School kiwa da pynkrehkaam deiwa ya krehlang wa ki NGO, ki skur ki bru samen wa ki sorkar jylla.
Kini ki Sainik School wa thymme toh kiwa da pynkrehkaam hapoh i pait ka Sainik Schools Society wei kiwa kwah wow lai puræ hap ki wow pyndep ya ka AISSEE-2024.
Yow tip bniah chaphang kani ka Entrance Examination wa heiwon em kini ki skur ye phi wow lai ha ka www.nta.ac.in wa ha https://exams.nta.ac.in/AISSEE/.
Kiwa kwah wow yaleh hap ki wow leh lyngba ka Online donhi wei hapoh ki wow leh yeini hapoh ka 16-12-23.
Ya ka bai Exam leh hap u su Online deiwa pynemkaam ya ki Debit/Credit Card næ Internet Banking.
Discussion about this post