Ka Seiñ Kur Dkhar East Jaiñtia Hills District (SKDEJHD), daw pynman ko ya ka Fete cum Dancing Competition wa chi sngi yong ka kur ha Eastside Inn, Jaliyiah, East Jaintia Hills ha ka 08-04-2023, nadooh i por 10:30 i step hadooh 10:00 waje i miet neibynta u pynmih poisa yow chna ya ka yung krehkaam wa pura yong ka seiñ kawa da sdang chna katkam wa man kattæ ha chnong Mookhep, East Jaiñtia Hills.
Ha kani ka Fete cum Dancing Competition yong ka SKDEJHD, daw em chiboon i rukom pynwyrngia nadooh i por step hadooh i por miet, kiwa kynthup ya ka Housie, i dai thaat-sula, kamjooh leh waka pynkhle nasib Lucky Draw yong ka seiñ.
Neibynta ka Dancing Competition ha katai ka miet, u leh kamni ha wah:
Ya ka Dancing Competition u pynman nadooh i por 7:00 waje i miet chaneiñ.
Ka Dancing Competition toh du ya kiwa chaad samen samen (Solo Dancers), wei u man ko ya waroh (Open to all).
Ka buskit ya kiwa jop, u em ko le tylli, kitæ toh ka 1st Prize- Rs. 7000, 2nd Prize- Rs. 4000, 3rd Prize- Rs. 2000.
U chah du 20 ngut donhi kiwa chimbynta.
Kiwa kwah u ya chimbynta, hap ki wow Register pyrtuid chwa ya idæ deiwa Phone ha kini ki Number, kitæ toh 9615400135/7005079043, nadooh ka 01-04-2023, nadooh 10:30 waje i step hadooh 9:00 waje i miet man-ka-sngi.
U pdiang ya kitu kiwa wan e pyrtuid smat (On first come, first serve basis), wei hadien neitæ u chim pyrtuid ya kiwa ya chimbynta (Registration of participants), wei u khang noh chisyndon marsien dap 20 ngut kiwa wan thap pyrtuid.
Ka Entry Fee neibynta kiwa chimbynta toh Rs. 200.
Ki wow ya chimbynta kiwa da dep Register chwa ya idæ, hap ki wow poi ha Eastside Inn, chwa ka 7:00 PM yow ye u kheiñ chwa katwon ngut kiwa chimbynta kiwa da emlang (Report of Attendance), wei kamjooh leh neibynta kiwi tawon ki emkaam.
Neibynta i yutip wa rap bniah hajrong ini, ye phi u Phone ha kitai ki Mobile Number wa da e haneiñ.
Katwa kamtea, da kyrpaad ya waroh ki paidbah, ki parakur Dkhar wa maya, kiwa em ha kylleiñ soodong ka ri Jaiñtia, khamtam ya ki parakur Dkhar kiwa em ha East Jaiñtia Hills District, wei kamjooh leh ya ki paralok wa maya waroh wow sñiawbha ki u ya pynlait por khnang heiwa u yawan chongchit cha katai ka Fete cum Dancing Competition yong ka Seiñ Kur Dkhar East Jaintia Hills District ka wow pynman ha 8 tarik uni u bnai ha i por wa i thaw wa da kdaw haneiñ, khnang wa itai i thmu yong ka SKDEJHD u man ko kawa phooh wa phieñ, kawa chongkun wei kawa jop pura.
Kani toh ka wyrta katkam wa da pynlait da u MH Dkhar, Additional General Secretary yong ka Seiñ Kur Dkhar, East Jaiñtia Hills District.
