Daw pynman ya ka Free Health Camp neibynta kiwa kjut chini ha East Jaiñtia Hills

Ka Wyrta cha ki paidbah ka East Jaiñtia Hills District wa daw em ka Free Health Camp heiyatoh wa i kjut chini kawa daw pynman haka 16 tarik uni u bnai (May), 2024. Wei ya kani ka Health Camp daw pynman da ka Physiotherapy Department yong ka North East Adventist University (NEAU), Khliehtyrshi deiwa ya krehlang waka Maia Multispeciality Clinic wa em ha Khliehriat.

Ha katai ka sngi haka bynta wa nyngkong daw em ka Test chini, ka bynta wa ar won daw em ka Medical Management yong i chini wa daw leh da u Dr. Nichwa LS Nongtdu (MBBS,MD,FIDM,FIIM), Senior Consultant & Diabetologist, Ex-Senior Resident ka VMMC wa Safdarjung Hospital, New Delhi, Medical Monitor PV and Clinical Research ka Bharat Serum and Vaccine, Mumbai. Wei daw em leh u Dr. Robert John Nongtdu, uwa jooh man kam u Medical Officer ka Children Hospital san snem wei katni kam u Medical Superintendent ka Maia Multispeciality Clinic.

Ka bynta wa le daw em ka Screening yong ki thied kti, thied kjat heiyatoh wa i chini i wow yahkhmat da ka Dr. Junita Kyndait (PT), MPT Neurology kawa man leh kam ka Head of Physiotherapy Department, NEAU wei daw em leh ki khynnah puræ yong ka NEAU.

Ka bynta wa 4 daw em i pynsñiawthooh kammon wow yada kamjooh ki jait sumaar wa ye u yoh neibynta kiwa yoh Diabetic Foot (i mankha i kjat neidaw i chini) i wow yahkhmat da ka Dr. Clarity Marwein (PT) MPT in CBR, kawa man le kam ka Asst. Prof. ha NEAU.

Related posts

Sdang ka Woodland WK Hospital yei pynkha khon wa khlem kjut iwa nyngkong dooh hapoh ka West Jaiñtia Hills

March 22, 2025

Pynman ka Jowai City YMCA ya ka Health Camp neibynbta kiwa da heh rta

March 21, 2025

Ha ka bynta ka wa san daw em i batai heiyatoh wa i baam i dih kiwa yoh kjut chini iwa daw yahkhmat da ka Dr. Algewazir Tlang (PT), Clinical PT yong ka Maia Multispeciality Clinic.

Kamtæ da kyrpaad ya ki paidbah kiwa em kjut chini u wan ki cha kani ka Health Camp yow yoh ki yei sumaar wei batai bniah wei i sñiawthooh bniah ya ini i kjut chini.

Ka Registration u sdang ko nadooh 9:00 waje i step hadooh 11:00 waje i step ha katai ka sngi.

Kajiak chaphang ka North East Adventist University kawa em ha Khliehtyrshi, man ko kam ka skurbah wa e sikai ya kiwa boon ki jait Course nadooh ka MA, BA wa kiwi de wei ka BPT Course toh kawa pynlai da ka Physiotherapy Department kawa soo snem chiteiñ wei ka Admission da wai ko ya kiwa da pyndep Class-12 Science kiwa yoh 45%.