Ka Kur Tang Pyllun daw pynman ko ya ka Dorbar Pyllun (General Meeting) kawa 4 haka 14 tarik u Thohlakhmi (February) 2026 ha chnong Sohkymphor, East Jaiñtia Hill District heipor 10:30 i step.
Kamtæ da khut sñiawbha ya waroh ki khon ka kur kiwa em ha kylleiñ soodong yong ka jylla Meghalaya wa cha kiwi tawon ki thaw wow sñiawbha phi u wan cha kani ka Dorbar Pyllun.
Ha kani ka sngi daw yoh leh ya i sneiñ kyntu na ki waheh wasian yong ka kur kamjooh daw em leh i pynkup burom namo ka Academic Award ya ki khon ka kur kiwa yoh 75% chaneiñ ha ka SSLC, HSSLC, Graduate wa Postgraduate kamjooh leh ya kiwa yoh ya ka kyrdan Doctorate.
Kamtæ da kyrpaad ya kitu kiwa toh u yoh ya kani ka Award wow sñiawbha phi u wan e ya ki Marksheet cha u Secretary yong ka Kur Tang.
Ha katai ka sngi daw pynkup burom leh ya ki tymmen yong ka kur kiwa da kynjoh ya i rta wa palat 80 snem.
Kamtæ da kyrpaad ya phi ki khon yong ka kur waroh wow sñiawbha phi u wan cha kani ka yachemlang.
Kani toh katkam ka Wyrta na u A. Tang, Secretary ka Kur Tang Pyllun wei yow tip bniah ye u Phone ha u Number-7005250897.
Discussion about this post