U Project Director ka Meghalaya AIDS Control Society, Shillong da pyntip paidbah u wa ka Meghalaya AIDS Control Society chirup wa ka yung krehkaam u Deputy Commissioner, East Jaiñtia Hills District, Khliehriat wa ka yung krehkaam u District Medical & Health Officer wa kiwi ki chnat daw pynman ki ya ka Integrated Health Campaign ha East Jaiñtia Hills District neibynta le bnai.
Kani ka Health Campaign u sdang ko nadooh u Naiynru 2023 heiwa daw pynman ya ki Eye Check Up, Dental Check Up, HIV, STI, TB wa kiwi kiwi.
Ka Integrated Health Campaign daw wai ya ka ha ka 2 Naiynru, 2023 ha Khliehriat West Community Hall heiwa daw pynman leh ya ka Health Camp ha Sutnga CHC, Sutnga ha katai hi ka jooh ka sngi.
