Shillong: Ka tnat chipai Indian Air Force daw pynman ko ya ka rally wow psiah kreh neibynta ki chynrang kiwa dang samen (kiwa ympu em kurim) na ka jylla Assam, Arunachal Pradesh, Mizoram, Nagaland, Tripura, Meghalaya wa Manipur neibynta ka intake 02/2019.
Kani ka rally toh neibynta ki kreh Airmen in Group Y Trades ha Air Force Station Borjhar, Guwahati, Assam ka wow man nadooh 1 hadooh 5 Naikhynde 2018.
Kiwa kwah u yaleh ya kini ki kreh toh kiwa da pyndep ya ka 10+2 namo ka HSSLC na ki Central/State Education Board wei ymtoh u yoh ki duna ya ka 50% marks hawa kheiñ lang wei ym toh u duna 50% marks ha ka English.
Ki candidate kiwa kwah wow yaleh kreh toh u man ki kiwa da kha hapyrdi ka 14 Naiynñiaw 1998 wa 26 Naiynru 2002 (da kynthup lang leh ya kini ki ar sngi).
Wow tip bniah, ye u lai ha ka Airmen Selection Board Web Portal: www.airmenselection.cdac.in
Discussion about this post