Ka yung krehkaam u Block Development Officer, Khliehriat C&RD Block, East Jaiñtia Hills District daw pynman ko ya ka SHG Mela wa Health Camp wow lehkmen yei dap 50 snem ka jylla ha ka 12 tarik uni u bnai ha pchem i yung krehkaam u Deputy Commissioner.
I thong yong kani ka Mela toh wow pynche hajrong ka Poverty Alleviation Programme yong ka NRLM lyngba i krehkaam ki kynthai ha ki SHG wei wow e yarap poisa ya ki lyngba ki Bank kamjooh wow pynsñiawthooh hajrong ki kyndon yada COVID heipor lehniam wa kiwi ki por leh kamjooh.
U Block Development Officer, Khliehriat C&RD Block, da kyntu u ya ki paidbah wow chimbynta ha kani ka Programme khnang wow tip kammon wow sdang ya ka SHG, MHIS Smart- Card Registration, Aadhaar Card Enrolment, ki Scheme hapoh ka Fisheries Department wa ki mar wa pynmih ki SHG.
