Ka Meghalaya State Skills Development Society (MSSDS) kawa pynman ya ki e sikai yow ye u yoh kreh ki khynroo khyllood kamjooh yow ye ki u seiñ khih iwa da leh hapoh ka SKILLS MEGHALAYA, daw pynman ko ya ka Skill Mela ha Kiang Nangbah Government College, Jowai.
Kani ka Skill Mela toh kawa ar sngi kitæ ha ka 27 wa 28 tarik uni u bnai kawa daw pynman nadooh 10:00 waje i step hadooh 7:00 waje i miet.
Ha kani ka Skill Mela daw em leh ka yaw ka haat ya ki mar kiwa da pynmih hapoh ka jylla nadooh ki marbaam kam ka dkharang, ki soh ki pe, ki tiar thain, ki tiar pynriam yung, ki musli musla wa kiwi kiwi de.
Daw em leh ka Job Fair wa daw wan ki bru na ki thaw wa thung kreh ha ki kaam wa yatoh wa ki kari, i chait i khiah, ki Hotel, Insurance wa kiwi kiwi de.
Daw em leh ka pynyoo yei e sikai heiyatoh waka Information Technology, Hospitality, Integrated Farming Systems, Plumber wa Electrician.
Ha ka sngi wai daw em leh kiwa e sikai ha kani ka Skills Meghalaya wa kynthup ya ka Jaintia Institute of Technology, ka SURE waka Greta Solutions kiwa da man kam kiwa da tipmit wow e sikai da sorkar kiwa daw khana ya ki jait sikai wa ye ki khynroo khyllood u yoh.
Heipor janmiet daw em leh ka pynwyrngia da ki dhab tem wa pawnaam ka Jowai wa tip kam ki LYNX, kamtæ da khut sñiawbha ya ki khynroo khyllood wow wan ki yow yoh ki chiboon ki myntoi.
