Jowai: Ka Yaman Creations (YC) kawa da seiñ hajrong ki thong wow yarap wow pynku yei sap waroh kiwa ka-it wow embynta ha ki film nadooh kiwa ak kiwa riñ Film kamjooh ya kiwa rwai kiwa thoh wa chna sur rwai hapoh ri-loom Jaiñtia, da dep yarap ko ya kiwa boon wei ha kani ka kynti ka Yaman Creations (YC) da rai ko wow pynman ya ka lympung lehkmen kawa tip kam ka Winter Festival 2018.
Kani ka Winter Festival 2018 man ko leh kam chibynta ka thong ka Yaman Creations wow yarap wow pynku ya ka kaam uiñke suwari hapoh ka ri-loom Jaiñtia wow pynyoo pyrthai ya i spah wa da kyrkhu ka bei rymaw kamjooh u man ko kam ka rynsaan ya kiwa em sap wow pynyoo rong ki ya ki sap yong ki ha ka put ka tem, kamjooh ya ka dustur riti.
Ha kani ka Winter Festival daw pynkhai im biang ya ki yalehke warim kam ka dat moopoint, yataan tylle, yaknieh chuki ka yakob yutip (Quiz) wa kiwi kiwi.
Kiwa ksoh kaam ka Yaman Creations toh u Edystone Shylla kam u President, u Arwotki Sumer kam u General secretary, ka Mangkiru Dkhar kam ka Treasurer wei da em leh 10 ngut ki Executive Member.
Ya kani ka Winter Festival u pynman ha ka 28-29 tarik uni u bnai hajan ka Kchaaid Krangsuri, Amlarem West Jaiñtia wei daw wan leh kiwa boon kiwa rwai wa tem wa put wa pawnaam ka jylla nadooh ki DJ ha kini ki ar sngi ki wow pynhun ya waroh.
Discussion about this post