Jowai: U Organising Secretary ka Jaiñtia Students’ Union Central Body u Yoosar Kynjing da pyntip u wa ka seiñ daw pynman ko ya ka yachemlang yong ki dkhot ka seiñ ha kani ka 27 tarik uni u bnai ha Marian Hills HSS, Jowai heipor 11:00 waje i sngi.
Ha kani ka sngi daw pachat ha ki dkhot ka seiñ ya ki mat dawa ka seiñ kiwa dang sahteiñ kamjooh leh kiwa daw chimkti ka seiñ.
Ha kani ka sngi yachemlang daw wan leh u Superintendent of Police ka WJH u Vivek Syiem kam u kongsan, hei emlang kiwa kitkaam warim ka seiñ.
Kamtæ da kyntu ya ki dkhot ka seiñ na waroh ki Unit kamjooh ki Circle wow yawan khlem pep cha kani ka yachemlang khnang wa ki thong krehkaam ka seiñ neibynta ka mynried mankawi ka jaitbru u man ki kiwa jop.
Heijooh i por daw pynkup burom leh ya ki le ngut ki kattu katni kiwa kitkaam ka seiñ wa kiwi kiwi kiwa da yarap ya ka seiñ ha kiwa boon ki liang.
Discussion about this post