Jowai: U General Secretary ka Meghalaya SSA School Association (MSSASA) East Jaiñtia Hills District Unit da pyntip wa daw em ka yalang kiwa sikai SSA hapoh ka East Jaiñtia Hills District kawa kynthup ya ka Khliehriat wa Saipung Block wa daw pynman ha kani ka 28 tarik ha Khliehriat West Community Hall, Iaw Pyngkat heipor 10 waje i step.
Ha kani ka yalang daw yaklam hajrong ka rai ka sorkar pyrdi wow su tulop T. 15,000 chi bnai ya kiwa sikai Lower Primary wa T. 20,000 chi bnai ya kiwa sikai Upper Primary kiwa da thung kaam hapoh ka Sarva Shiksha Abhiyan (SSA) katkam ka Funding Sharing Pattern hapyrdi ka sorkar pyrdi waka sorkar jylla ha waroh kawi ka ri India lyngba ka Scheme wa thymme yong ka MHRD, Govt of India ka Samagra Shiksha Abhiyan (SMSA) ka wow krehkaam nadooh uni u snem.
Ha kani ka yalang daw e leh ya ka bui heiyatoh wa yachem ka seiñ wa u montri rangbah ka jylla hajrong ka Arrear kawa dang sah yong u snem 2016 – 17 kawa nadooh u bnai Naitung 2016 hadooh u bnai Thohlakhmi 2017 nalor kiwi kiwi ki kaam kiwa yatoh wa ka yap ka im kiwa sikai SSA. Ha kani ka yalang daw em leh kiwa yahkhmat ka seiñbei nadooh u President u Aristotle C Rymbai wa kiwi kiwi.
Ha kani ka yalang daw pyllang leh ya ka Teachers Annual Subscription Fees kawa chisien chi snem wow kyrchaan ya i krehkaam ka seiñ.
Discussion about this post