Ka Tura waka Jowai daw yoh ki wow pynman ya ar tylli ki Semifinal wa nyngkong ka Meghalaya State League 2023 ha ka 10 tarik uni u bnai yong ki 4 tylli ki liang wa dang sah na ki 25 tylli kiwa da chimbynta nadooh was dang kani ka lympung.
Kini ki Semi daw pynman da ka rukom Home-and-Away heiwa ki Semifinal wa ar won u sdang ki nadooh ka 13 tarik uni u bnai. Ya ka Final won daw pynman ha ka SSA Stadium, First Ground, Polo ha Shillong ha ka 17 tarik.
Ka yalehke ha Kiang Nangbah Stadium, Jowai toh hapyrdi ka Rangdajied waka Lajong kawa daw sdang heipor 1:30 PM.
Hadien kani daw pynman ha Tura hapyrdi ka Khliehmawlieh waka Mawlai heipor 3:30 noh chariñ ka sngi. Ya kini ki yalehke daw ye leh wow pait ha u YouTube Channel ka Meghalaya State League.
Ha Tura daw pynman ya ka Semifinal ha PA Sangma Stadium heiwa daw emlang leh ka MP ka Tura, ka Agatha K Sangma kam ka kongsan.
Ka Khliehmawlieh ha ka MSL 2019 ym em ye ko wow poi cha ka Kockout Stage tangwa ka Mawlai hei sien wa nyngkong wa chimbynta da ye ko wow poi syndon cha ka Semifinal.
Ka Lajong waka Rangdajied da yachem ki ha ka Final ka MSL 2019 ha Khliehriat heiwa ka Lajong da jop ko da 3-0 deiwa yachut Tie-breaker.
