Ka chnat Sports and Youth Affairs, ka sorkar Meghalaya deiwa ya krehlang waka Eastern Command yong ka chnat shipai namo ki Indian Armed Forces ynne ka sngi da wai ki ya le laitylli ki Trophy kiwa da yang yooluti kiwa tip kam ka ‘Durand Cup Trophy’ ka ‘Shimla Trophy’ (kiwa man kam ki Rolling Trophy kiwa kylliang kti) waka President’s Cup (kawa yoh rah yanom) ya kiwa da wanrah wow pynyoo paidbah ha Khyndailad, Shillong.
Ya ka yalang wa heh da pynman hapoh State Convention Centre, Shillong deiwa emlang u Montri Rangbah ka jylla, u Conrad K Sangma, u D.P. Wahlang, Chief Secretary ka jylla, u Lieutenant General Sanjay Malik, u Air Marshal Tejinder Singh deilang wa kiwi ki heh sorkar wa na ka chnat chipai.
Ini man i leh kam chibynta wow lehkmen ya ka kylla kawa 132 sien hadooh uni u snem wa da pynman ya kani ka lympung yalehbol wei ka Durand Cup da yoh ko yei naam kam ka lympung yalehbol kawa da rim dooh ha dewbah Asia wei kawa le ha pyrthai.
Kani ka lympung yalehbol toh kawa da pynkreh u pynman nadooh ka 3 tarik u Naisaphra hadooh ka 3 tarik u Naikhynde 2023, heiwa daw em 24 tylli ki liang wow chimbynta wa kynthup ya waroh ki 12 tylli ki liang wa chimbynta haka Indian Super League deilang wa kiwa na baar ri kam ka Bangladesh wa ka Nepal kiwa da wan biang wow chimbynta hadien 27 snem.
Da pynbna leh wa ka Shillong daw man ko kam kawi na ki thaw wa daw pynman ya ki yalehke ka Durand Cup ha u 2024.
Ha uni u snem won, ka Shillong Lajong FC da chah kynthup ko ha ka Group D ryngkat waka Northeast United FC, FC Goa, waka Downtown Heroes FC ka Kashmir ha kani Durand Cup 2023. Ka Shillong Lajong FC daw sdang ko yei yalehke pyrchah ya ka Northeast United FC ha ka 4 tarik u Naisaphar ha Indira Gandhi Athletic Stadium, Guwahati.
Discussion about this post