Daw pynman yaka Lympung wa 33 ka Sengkhihlang ha Wahiajer, West Jaiñtia Hills

Ka Sengkhihlang kamwa jooh pynman man u snem, ha uni u snem leh deiwa ya krehlang wa ka Seiñ Raij Wahiajer, da pyntip ki ha ki khon U 7-Trep, 7-Skum, wa ka lympung wa 33 ki khon khynroo ka Seng Khasi wa Seiñ Raij daw man ko haka 27, 28 wa 29 tarik uni u bnai (March) 2020, ha ka chnong Wahaiajer, West Jaiñtia Hills nadooh i por 10:00 waje i step.

Kamtæ da kani ka kyrwoh, ka Seiñkhihlang deilang wa ka Seiñ Raij Wahiajer da khut sñiawbha ko ya ki khun u 7-Trep, 7-Skum waroh wow ya pynlait por khnang wow yawan cha katai ka Lympung.

Ha katai ka Lympung daw yoh yaki Chaad Tynre wa i sneiñ i kroo na ki bru rangbah hei wow pynneh pynsah ya ka niam ka rukom wa ka dustur ka riti kawa i yoh pateiñ na u Blai Tre Kynrad.

Ya u Moopynyieñ sahnam ha kani ka Lympung daw wanrah da ka Seng Khasi Shaid Shaid Mawkyrwat South West Khasi Hills District wei daw rah ya oo haka 27 tarik.