Ka Khynroo Khyllood Committee (KKC) ka Seiñ Kyntu Seiñ Raij 12 Dolloi, Jaiñtia Hills daw pynman ko yaka lympung wa nyngkong yong ki khynroo khyllood ha ka 17 wa 18 tarik u Kmaichonglad (December) 2022 ha Thadmuthlong C Phramer ha i thaw wa em ka yung krehkaam yong ka Seiñ Kyntu Seiñ Raij 12 Dolloi.
Katwa kamtæ ka KKC lyngba kani ka wyrta pyntip ko cha waroh ki khon yong ki Seiñ Raij waphær waphær hapoh ka Ri 12 Dolloi, wow sñiawbha phi u wan cha kani ka lympung wa nyngkong yong ka KKC ka Seiñkyntu Seiñraij 12 Dolloi.
Ngait skem da i wan sakhi lang yong phi u man kani ka lympung kawa phooh wa phieñ wei kawa jop.
Kani toh katkam ka Wyrta na u Secretary yong ka, u Precioustone Rumut.
