Ka Raliang Elaka Arts & Cultural Organisation daw pynman ko yaka tamasa yalehke haka 29 tarik uni u Naiynñiaw kawa jooh tip kam ka “I yachemlang ki khon warep ka Elaka Raliang” ha Laskein (Madan Pamsna) nadooh 9:00 waje i step.
Ya kani ka tamasa da jooh pynman chisien chi snem nadooh ki por wa nachwa hadien wa ki khon ki raiot ka Elaka da dep ki wow bet u thung ya ki symbe ki phniang cha ki lyngkha yong ki.
Kamtæ ha kani ka tamasa daw em ki chaad tynre, ka yatan tylle, Flat Race, phet nangsiang wa ka yaknieh chuki.
Da em leh ka e khusnaam ya ki khynnah skur kiwa napoh ka Elaka Raliang kiwa yoh heh Marks dooh (Highest Marks) neibynta ki Exam 2023 ha ka SSLC wa HSSLC (Arts, Science wa Commerce) wei ki khynnah wa kwah wow yoh ya kani ka Academic Award 2023 hap ki wow pynpoi ya ki Mark Sheet ha yung krehkaam u Dolloi ka Elaka Raliang, u C. Lyngdoh.
Daw em leh ka Express Lucky Draw kawa daw Ticket ha katai ka sngi.
Discussion about this post