Ka yung krehkaam u Deputy Commissioner (Election) yong ka West Jaiñtia Hills District da pyntip u wa i pynpsiah pyrtuid ha ka E-Roll ya kitu kiwa da dap 18 snem i rta namo ka Special Summary Revision Programme neibynta ka 1-Nartiang, 2- Jowai, 3-Raliang wa 4-Mowkaiaw Assembly Constituency daw sdang nadooh ka 09-11-22 hadooh ka 08-12-22.
U Deputy Commissioner da kyntu u ya waroh kiwa chong chong khamtam ki khynnah khynroo kiwa da dap 18 snem wow lai pynpsiah pyrtuid ya idæ khnang wow yoh ya ka EPIC wei wow yoh u thap Vote heipor Election.
Da khana u leh wa ka Election Commission of India da e laad ko ya ki khynroo khyllood kiwa da dap 18 snem itæ hadooh ka 01-04-22, ha ka 01-07-22 wa ha ka 01-10-22 wa kamni i kamjooh ha u snem 2023 wa ki ye ki wow pyndap ya ki Form-6 ha kani ka Special Summary Revision.
U Deputy Commissioner da kyrpaad u ya kiwa hayung hasem yong kiwa da khlaad noh na kani ka pyrthai wow pyndap noh ya ka Form-7 wow pyndam noh yei pyrtuid yong kiwa da khlaad napoh ka E-Roll.
Kitu kiwa kwah wow pynbait yei bakla ha ki EPIC yong ki lane kiwa kwah wow rah pyrtuid na iwi i thaw cha iwi wa ki ye ki u pyndap da ka Form-8.
Ya ki Form ye wow pyndap lyngba ki BLO kiwa em ha man ki Polling Stations lane lyngba ka Online Mode (NVSP/Voter Helpline) App.
Ki BLO daw em ki ha ki Polling Station ha ki sngi kyrpang wa da booh da ka ECI kitæ ha ka 18-11-2022, 19-11-2022, 25-11-2022 wa ha ka 26-11-2022.
Ka yung krehkaam u Deputy Commissioner (Election) da pyntip u leh wa i pynyabi ya u Aadhaar wa ka EPIC toh kawa da sdang nadooh ka 01-8-2022 wei i thmu yong ini toh wow pynsakhiat ya ki bru wa em pyrtuid ha ka E-Roll wa kamjooh leh wow pyntikna wym em pyrtuid ki jooh ki bru ha kiwi ki thaw wei wym em iwon iwon i pynemkaam bakla ya u Aadhaar Number.
Da pyntip wa ya u Aadhaar Number ye wow lai e ha ki BLO yong ka Polling Station dei mon sñiawbha wei ym em i pynbor ya kiwa thap Vote wow leh yeini.
U Deputy Commissioner (Election) da kyntu u ya waroh wow chimkhia ya ini i kaam wei wow pynyabi ya u Aadhaar wa ka EPIC wei leh wow pynpsiah pyrtuid ha ka E-Roll katkam ki tarik wa da booh da ka ECI.
