Ka yung krehkaam u District Labour, West Jaiñtia Hills District, Jowai da pynman ko ya ka Registration Camp yow thap pyrtuid ya kiwa kreh mylla hapoh ka e-Shram kawa man ka Website wow booh yei pyrtuid kiwa kreh mylla hapoh ka ri wei yeini daw leh ha 29 tarik uni u bnai ha Lathadlaboh Community Hall nadooh 11:00 waje i step.
Ka Website ka e-Shram toh kawa da sdang da ka Ministry of Labour & Employment ka sorkar India ha ka 26-08-21 yow tipmit ya ki wakreh kam ki ASHA, Anganwadi, MGNREGA, kiwa chna yung, ki mistri, kiwa kreh cha yung ki bru, ki warep, kiwa dai mar cha rood sarok, kiwa chongdai dukan, kiwa dai dud wa kiwi kiwi kam kini ki jait.
Ya kani ka Registration ye leh wow leh pyn da idæ deiwa lai ha kani ka Link https://www.eshram.gov.in lane cha ki Common Service Centre (CSC)/ Rainbow Centre kiwa em chajan.
Kini kiwa kreh mylla toh u em ki hapyrdi i 16-59 snem i rta, toh u em ya ka Aadhaar Card, u Mobile Number wa da dep wow pynyabi wa u Aadhaar, ka Bank Account Number wa dang krehkaam kawa toh u booh hapoh kani ka Website.
Ym toh u man ki leh kam ki dkhot namo kiwa pynemkaam ya ka EPFO, ESIC lane NPS.
Ini i leh Registration toh deiwa mynkna wei daw yoh myntoi ki na kiwa boon ki Scheme sorkar lada mynsoo heiwa daw yoh T. 2 lak lada khlaad lane man noh kiwa duna hei doh i pran wa T. 1 lak lada duna mula mala i doh i pran wa kiwi de ki yarap khamtam lada em ka khlam lane iwon iwon i jia wa wan nei bor yong ka rymaw.
