Ynne ka sngi u montri ka chnat puræ puthi ka jylla, u Lahkmen Rymbui da ong u wa ka sorkar daw pynmih ko ya ka hukum ‘No Work No Pay’ namo khlem kreh tæ khlem tulop lada kiwa sikai SSA kyntait ki wow lai biang cha ki Class wow hikai ya ki khynnah.
Da ong u wa ka sorkar daw chah pynbor ko wow pyndooh wot ya i e yarap poisa namo ka Grant-in-Aid cha ki Managing Committee yong ki skur kiwa khang hapyrdi i kyrpaad ka sorkar wow wai ki.
U Lahkmen da ong u wa ka sorkar ym randien ko na ki kaamram yong ka wei daw thooh ko ya ki laad wow pyllait ya ka tulop yong ki.
Heijooh i por da ong u wa katni dang yang ya ka bhah wa nyngkong namo ka First Instalment na ka sorkar pyrdi khnang wow ye u pyllait ya ka tulop kiwa sikai SSA.
Chooh chooh da ong u wa ymye wow tip katwon u pyllait poisa ka sorkar pyrdi neibhah ymye wow leh iwon iwon lada ka sorkar pyrdi ym pyllait ko ya ka bhah yong ka jylla.
Da kyntu u leh ya kiwa sikai kiwa yakhih wow sangæh noh ya ini i yakhih yong ki neibhah ka sorkar sñiawthooh ko ya i eh i khor wa chem ki heiyatoh wa i wym yoh ki ya ka tulop.
