Kat dang mih ki sngi, da poor ki khubor hamsaya kiwa ha rukom heiyatoh wa kani ka khlam COVID-19, wei ha kani ka kynti u montri ka chnat i chait i khiah ka jylla, u Alexander Laloo Hek da maham joor u ya kiwa pynpoor ya kam kini ki khubor wa yatoh wa kani ka khlam deiwa pynhaap ya ki hapoh ka aiñ Meghalaya Epidemic Diseases Act lada yah bakla ki ya ki paidbah.
Da ong u wa kitu kiwa ong wa ym ngait ki ya u COVID-19 næ ya ki kor wa Test, ym toh de wow lai leh ki da kiwi ki Test hawa kjut næ chitom neibhah wa ya ki kor Test waroh da chna da u bru.
Chooh chooh da ong u wa i em ki thaw sumaar toh khnang wa ki paidbah chaniah ki hawa chitom yow yoh ki yei sumaar wow chait noh ki wei lada ym ngait ki ym lai hi ki cha ki thaw sumaar.
Heijooh i por da ong u wa kitu kiwa ym ngait, toh u sñiawthooh ki pyn haki hi, wei ka sorkar daw pynche ko ya ki tangwa ymtoh wow pynkulmar ki ya ki paidbah.
