Khliehriat: Ka Seiñ SBYWA-Elaka Lakadong & Rymbai, EJHD daw pynpsiah dkhot thymme ko ha kani ka tayaw wa khaddooh yong uni u bnai heiwa ka seiñ da khut sñiawbha ko ya kiwon kiwon kiwa kwah u psiah dkhot thymme cha ka seiñ khnang u yakrehlang neibynta ka bha ka miat yong ka imlang sahlang.
I thmu yong ka seiñ u leh da kani ka Membership Enrollment toh neidaw wa ka seiñ ympu yoh namo ye ko u wan psiah cha man la ki chnong yong ka thaaiñ khappood.
Kamtæ kiwa ye u psiah dkhot thymme toh du na ki chnong ka thaaiñ khappood donhi (Southern Border Area) wow kynthup ya ki chnong kam ka Rngad, Lumskhen, Suchen Pyllun, Wahsarang, Lumputhoi, Pynurkba, Bataw, Umlyngsha, Umlatdoh,Ummat, Lad Lakadong, Lama, Natbor, Borgkhat, Pdengwahkhynriam, Demlakang, Kwator, Hingaria, Huroi, Leijri Lei Long wa ki chnong marjan kam ka chnong Umsatai, Ladwahwapung, Deiñsatlang, Shilliang Umshong Pyrsadwar, Kharkhana kamtæ ter ter kam kiwa em ha West Jaiñtia.
Ya ki yutip wa bniah ye u yoh deiwa phone ha kini ki No. 9366707383 / 9485315698.
Kani toh katkam ka wyrta wa pynlait lyngba u S. Shadap, President SBYWA, EJHD.
Discussion about this post