Daw pynpsiah pyrtuid ka HSPDP ya ki khynroo khyllood wow pynkhlan ya ka Party

Ka Central Executive Committee yong ki khynroo ka Hill State People’s Democratic Party (HSPDP) da rai ko wow pynkhlan ya ka Party ha kylleiñ ka ri Khasi-Jaiñtia, deiwa pynpsiah pyrtuid ya ki khynroo khyllood na kylleiñ wei wow pynkha leh ya ki chnat krehkaam neibynta wow khut ya ki khynroo cha ka seiñ.

U President ka HSPDP-YW, u Sandondor Ryntathiang da ong u wa i pynpsiah pyrtuid ya ki khynroo khyllood toh da ka Online wa Offline wei ha i lehkmen dap 50 snem ka jylla uni u snem, ka Party daw pynman ko leh ya ka Bike Rally wow pynyoo cha ka pyrthai wa ka HSPDP da em ko i bynta wa khroo hei wow yaleh yoh jylla.

Da ong u leh wa ka Party daw pynman ko leh ya i phyllu yumut namo ka Workshop wa Seminar hajrong ka 6^th Schedule wa ka 8^th Schedule khnang wow ktik ya i thij i pyrkhat ki khynroo wow tip ya ki bynta ka Riti Synchaar ka ri India.

Heijooh i por da ong u leh wa ka seiñ daw pynman ko leh ya ki yakob thoh Essay hajrong ka ri Khasi-Jaiñtia.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u President rangbah ka HSPDP, u KP Pangniang da ong u wa ka HSPDP toh ka seiñ tre ri kawa da rim dooh, wei i sdang pynpsiah pyrtuid ya ki khynroo khyllood toh wow pynr’hi biang ya i mynsien maya ri.