Kiwa mihkhmat na Japan ynne ka sngi da poi ki ha nongbah Shillong wow yaklam ya ki kaam wa ye u ya krehlang wa ka sorkar jylla, heiwa da yachem ki leh ya u Symbood Montri Rangbah ka jylla, u Prestone Tynsong.
U Kawazu Kunihiko uwa man u Minister & Deputy Chief of Mission ka Japan, da ong u wa i wan cha Shillong toh neidaw wa em ka skurbah North Eastern Hill University (NEHU), wei da yaklam wow em ka yatoh hapyrdi ka ri Japan waka Meghalaya.
Da ong u wa da yoh yutip leh wa ka NEHU daw pynpsiah noh ya ka ktien Japanese, wei ini daw man ko ka luti kawa khroo neibynta ka ri Japan khamtam wa ka ktien man ko kawa emkaam neibynta wow sñiawthooh.
Da ong u wa i wan ka khlam ha ki 2 snem wa da dep, da hap wow pynsangeh noh ya i yaklam wa ka NEHU hajrong kani ka phang, wei katni neiliang ka Japan kwah ko wow sdang biang u yaklam chakhmat wow pynmankaam ya ini i thmu da ka Japan Foundation waka NEHU.
