U DHS(MI) ka jylla u Dr. Aman War da pyntip u ynne ka sngi wa katwa dang lai i por da yoo wa i rukom man u khñiang COVID-19 da kylla u wei katkam wa chem ki stat sayan wa uni u khñiang ym ye de u wow poor hadien 10 sngi.
Da ong u leh wa neiliang ka sorkar jylla dang thooh bniah chooh chooh ko ya kini ki sabut wei daw e yaka rai hadien wa da tikna tangwa katkam wa man katni hi ya kitu kiwa leh yaka Qurantine lane kiwa em ha ki Corona Care Centre daw hap Test hi yaki hadien 10 sngi wei ka sorkar daw bichaar biang ko ya ki kyndon (Protocols) lada tikna wa hadien 10 sngi ym em de i maa.
Da ban joor u wa ya katni hap hi wow Test chwa katwa ym pu ye u pynsakhiat wa hadien 10 sngi da ye u pynlait noh ya kiwa yoh ya uni u khñiang wei yaka rai wa khaddooh daw chim hadien.
Ha iwi won i liang da ong u wa hawa pait yaki Report wa leh da ka RT-PCR wa neidaw wa ki kini ki kor toh kiwa bniah bha, kamtæ ki wakreh ha kani ka kaam da chem ki wa ya u khñiang uwa da yap uwa dang em hei doh u bru, kani ka kor ka pynyoo bait ko wa toh dang em hi ya uni u khñiang manda leh ya ka Test wei ini wa pynyoo kani ka kor wa dang man Positive bait toh na u khñiang uwa da yap wei ya ini leh dang hap wow tooh yaki sabut wa biang yow ye u e yaka rai hajrong ki kyndon wa hap u bood deiwa ban leh wa ya kitu kiwa man Positive u Test hi ya ki suki suki wei lada chem wa man kamni daw leh deiwa jai jai yow chim yaka rai.
Da ong u leh wa ya kiwa khlaad chwa kiwa da chem won wa yoh ya uni u khñiang hap hi wow Test yaki neibhah ya kiwa khlaad na uni u khñiang hap hi wow bood yaki kyndon heiyatoh waki metyap.
