Kam chibynta yong i dap 91 snem ka chnat chpai suiñbneiñ ka ri namo ka Indian Air Force, neiliang ka Headquarters Eastern Air Command daw pynman ko ya i pynyoo rong namo ka Air Display deiwa hær najrong ka nan Umiam, Shillong.
Ini man i kam chibynta wow pynyajan wa ki paidbah wei daw chimbynta da ki lieñsuiñ yaleh ka ri wa kynthup ya ka ALH wa Chinook Helicopter, ka Dornier Transport Aircraft, ki SU-30 wa Rafale Fighter Jet.
Ha kani ka sngi daw pynyoo rong ya ki sap kiwa pynhær lieñsuiñ khamtam ki Sarang Helicopter Display Team kiwa da bna naam bha ha pyrthai.
Ya ini i pynyoo rong daw pynman ha ka 20 tarik uni u bnai wei i pynkhreh chwa namo ka Full Dress Rehearsal (FDR) u man ko ha ka 17 tarik heipor 9:15 i step.
Discussion about this post