Ka BJP da rai ko wow pynyieñ kyrtong ha kani ka Election chiteiñ samoi na Gambegre Constituency kawa da man thylli hadien wa ieh noh u Saleng A Sangma deiwa jop u ya ka Election MP.
U MLA ka BJP, u AL Hek da pyntikna u yeini deiwa ong wa dadep u yaklam wa ki heh ka Party ha Meghalaya heiwa ki leh da pynsñiaw ki yei angnood wow pynyieñ kyrtong.
Da khana u leh wa em boon kiwa paan Ticket wei hawa kylli lada na kini toh u MDC ka Tura, u Bernard Marak, da jubab u deiwa ong u wa daw chong hei rai ka Party.
Da ong u leh wa ym yoo dur u wa ka Congress daw khlan ko ha Garo Hills neibhah ka Election MLA phær ko na ka Election MDC.
Kamtæ da ong u wa ka BJP toh ka National Party kawa yakhun MP wa MLA wei u yaleh ko leh ya ka MDC Election.
Da pynche u leh wym em iyi iyi wa mih pyrchah ya u President ka Party hapoh ka jylla, u Rikman G Momin wei ym em hi leh yoh kawon kawon ka chithi wa thoh pyrchah ya oo.
Discussion about this post