Ka phlim Jaiñtia wa dang pynmih thymme kawa pyrtuid ‘Ka Nongmuna’ wa da pynwandur da ka RJ Musical Wonders deilang wa ka Neighbourhood Boyz Production daw pynyoo paidbah ka ha Yungwalieh ka chnong Panaliar, Jowai nadooh ka 8 tarik hadooh ka 10 tarik u Naisaphra (August) 2025.
I por wow pynyoo ya ka man i kamni ha wah:
08-08-2025 (Friday) – 1st Show: 6:00PM, 2nd Show: 8:00PM
09-08-2025 (Saturday) – 1st Show: 2:00PM, 2nd Show: 5:00PM, 3rd Show: 8:00PM
10-08-2025 (Sunday) – 1st Show: 3:00PM, 2nd Show: 6:00PM, 3rd Show: 8:00PM
I dor ki Ticket toh Rs. 100 wa ka Rs. 150 donhi.
Ha kani ka phlim da chimbynta leh da kiwa ak phlim wa chyrkhei weiwa bna-naam bha ha Ri Jaiñtia kam u Ma Konel Phira wa yatip paidbah i kam u “Ma Slaek’, ka Kong Phelima Sumer wa jooh tip i kam ka “Kong Tiaw’, u Ma Heisa Lato wa jooh tip i kam u ‘MDC Khlieh Blang’ kamjooh leh u Ma Careme Phawa, ka Warisa Sumer, ka Iairi Sumer deilang kiwi kiwi.
Kam wow pyn-kynmoo kajiak, ya kani ka phlim thymme dadep wow pynyoo paidbah ha ka chnong Mihmyntdu ha ka 23 tarik u Naiynñiaw 2025 weiwa da yoh bha ko yei yaroh na kiwa boon walang wa wan pait ya ka kam kawi na ki phlim Jaiñtia wa yoosuk bha weiwa e ko leh ya ka nuksa wa miat wa bha neibynta i manbru longbru samen samen kamjooh ha-yung ha-sem wa ha ka imlang sahlang.
Ya ka Trailer kani ka phlim kamjooh ya i pynsñiaw na kiwa dadep pait ya ka phlim ye phi u pait ha ka YouTube Channel: RJ Musical Wonders.
Kiwon kiwon ki chnong namo ki seiñ wa kwah u Book næ u pynyoo paidbah ya kani ka phlim cha ki chnong ki thaw yong ki, ye ki u Phone ha kini ki Number: 9863178496/9774036082/8132855487.
Discussion about this post