Ka Rockski EMG deiwa ya krehlang waka The Meghalayan Age Limited, da pynbna ki wa da ye ki wow poi chei mynjur waka Jio Cinema yow pynyoo yaka TV Series chaphang ki baam wa da chet hapoh ka jylla kawa tip kam ka “Hills on a Plate-Meghalaya”.
Ya kani nyngkong da mut wow pynyoo ha Disney+ Hotstar tangwa dapoi noh ko cha ka Jio Cinema hadien wa dep thied ya ka.
Kani ka TV Series toh kawa da riñ hapoh Meghalaya hi kawa man leh kam chibynta i uiñke suwari deilang wa i chet i tu.
I thmu toh wow pynyoo yei miat ka jylla Meghalaya kamjooh ki jait baam waphær waphær yow tip ka pyrthai chaphang ini.
Kani man ko leh kam ka yakob chet heiwa daw wan bichaar da ka Sarah Todd kawa na Master Chef Australia deilang waka Ardahun Passah wa u William Diengdoh wei da pynlai ya ka da u Gordon Thabah waka Abigail Pamei heiwa kiwa chimbynta toh kamni: U Artet Kharsati, u Ivan Suting, ka Daei Suchiang, ka Nambie Marak, ka Tanisha Phanbuh, u Uttam Thangkhiew wa u Adonijah Lyngdoh.
Chwa wow pynyoo ha u Jio Cinema, da khut ya ki paidbah cha ka Special Preview Screening kawa daw pynman ha Lariti Auditorium haka 20 tarik uni u bnai heipor 6:00 waje i miet heiwa daw emlang leh waroh kiwa chimbynta kamjooh kiwa chna wei pynwandur ya kani.
Ya ki Ticket wei wow tip bniah ye wow lai ha www.hillsonaplate.com wei kiwa thied Ticket daw yoh laad ki leh wow chimbynta hei wow lai e Wyrta paidbah yaka Concert u Calum Scott.
Ya kani ha u Jio Cinema daw pynyoo ha u bnai wow wan heipor wa pynman yaka IPL ha India.
Discussion about this post