Ka phlim Biate wa tip kam ka Nam Pasaltha (Rise of the Warrior) daw pynyoo paidbah ka hei sien wa nyngkong ha chnong Jowai chi sngi donhi haka 11 tarik ha District Library Auditorium, Mynthong.
Ha katai ka sngi daw pynyoo ya kani ka phim ar sien, chisien heipor 1:00 waje i sng wei kawa bood won heipor 5:00 waje i janmiet.
Ka bai Ticket neibynta ki khynnah man ko Rs. 50 donhi katwa ya kiwi won man ko Rs. 200 kiwa kwah u chong chakhmat wa Rs. 100 kiwa chong cha kiwi ki bynta.
Ya kani ka phlim da chna da u John Calvin Biate kam u Director waka Elma Darnei kam ka Producer kawa na chnong Saipung.
Kani ka ka phlim kawa man kam ka phlim Action toh chaphang i parom ki 5 ngut kiwa man kam ki khlawait ki ar tylli ki chong kitæ ka Tui Suan Thum waka chnong Kolvar ki wym em yatoh lok neidaw ki kaam wym man u heh ki Biate uwa na ka chnong Kolvar uwa da pynyachrut yadait ya kiwa chong chnong kini ki ar tylli ki chnong.
Uni u heh ka chnong Kolvar da ki kaam wa pyrchah yei sñiaw ki paidbah wa leh u, da pynmih i leh ya kiwa choon wa pyrchah ya oo kam u Ralpa uwa naka chnong Hung, kamtæ da yieñ ki 5 ngut ki dap chynrang kiwa da yatylli wow yaleh pyrchah ya uni u heh ki Biate.
Kiwa ak ha kani ka phlim kynthup ki ya ki Biate kiwa napoh Meghalaya wa na Assam, kamtæ da khut sñiawbha ya phi ki paidbah wow wan pait phi ya kani ka phlim kawa daw pynsñiawthooh ya phi chaphang ki jaitbru Biate wa ki parom yong ki.
Ya kani ka phlim da klam hei ktien Biate tangwa da emlang wa ki dak hei ktien English yow sñiawthooh lang waroh wei kani ka phlim man ko kawa da chna bha wei ya ka Trailer ye phi wow pait heini ha wah.
Discussion about this post