Ka North East Students’ Organisation (NESO) kawa kynthup lang yaka Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) waka All Arunachal Pradesh Students’ Union (AAPSU) da pyntip ki wa pteiñ hi ki wow pyrchah yaka CAA.
Kamtæ da kwah ki wow pynkynmoo yaki paidbah ka thaaiñ North East wa haka 11-12-19 hadien wa ki tre ri ka North East da yakhih pyrchah ki yaka Citizenship (Amendment) Bill 2019, ka sorkar India ym bna ym ap ko ya ini heiwa ya kani ka Bill da mynjur yaka ha Rajya Sabha yow man aiñ noh ko kawa tip kam ka Citizenship (Amendment) Act 2019.
Na ini i daw, ka NESO daw kynmoo ko yaka 11 tarik kam ka Black Day neibynta ka North East waroh kawi.
Kamtæ ha kani ka sngi daw pynman yei rah lama rong yong kamjooh ki Banner rong yong ha ki 7 tylli ki jylla wei da leh ya ini kam ka dak wow pynyoo cha ka sorkar India wa pyrchah yaka Citizenship (Amendment) Act 2019.
