Daw rai yaka luti wow lai hadien wa yoh u puræ yaka CAB: Conrad

Shillong: Ka kynhun montri yong ka sorkar National Democraticc Alliance (NDA) ynne ka sngi da mynjur ko ya ka Citizenship (Amendment) Bill, 2016.

Hawa yaklam wa u Montri Rangbah ka Meghalaya uwa yahkhmat ya ka kynhun yong ki thaaiñ mihngi ha ki por wa da dep da pyrchah joor ki ya kani ka Bill, u Conrad K Sangma da ong wa ym pu yoh wow puræ ya kani ka Bill wa da pynkylla ha kani ka kynti.

Da ong u leh hadien wa da dep wow puræ bniah ya kani ka Bill daw ye u chim yaka rai kammon wow lai chakhmat.

U Conrad da ong u wa ka Meghalaya wa nadooh u snem wa da dep da wanrah ya kani ka Bill, ym em wa tip kawa man kammon neibhah wa khlem yaklam næ ap ya i sñiaw ki paidbah ka thaaiñ, tangwa katni da wanrah ya kani ka Bill da phær ko neibhah ka sorkar India da khut yaklam wei da ap ko yei sñiaw yong waroh kiwa chong chnong.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da pyntip u leh wa u Home Minister, u Amit Shah da yachem u hadooh palat 100 tylli ki kynhun wa kynthup leh 23 tylli na kani ka jylla Meghalaya yow ap yei sñiaw yong ki hajrong kani ka Bill. Wei katni hap wow pait wow puræ hadooh katwon ka sorkar India da chim ko yei sñiaw yong ki paidbah.

U Conrad da ong u wa ka rukom wow wanrah ya kani ka Bill katni da phær ko deiwa khut yaklam chwa u Amit Shah yow pyrkhat neibynta ki paidbah ka thaaiñ chwa wow pynkrehkaam ya kani ka Bill deiwa wanrah ya i pynkylla ka wym ktah ya ki paidbah.