Daw saam mynkna ya u khoo wa u dai hapoh ka PMGAY

Jowai: Kam chibynta wow bood yaka hukum u Director, Food Civil Supplies & Consumer Affairs, Meghalaya Shillong, u Deputy Commissioner, Supply, West Jaiñtia Hills da pynmih hukum u haka 18^th April, 2020 yow pyntip wa da booh bhah pyntam ya u khoo wa u dai hapoh ka PMGAY uwa daw saam mynkna cha kiwa yoh myntoi ka NFSA, AAY wa PHH nadooh 20^th April, 2020 hadooh ka 30^th April, 2020. Ya u khoo daw saam 5 Kg chi khlieh chi bnai neibynta u bnai April, 2020 katwa ya u dai u e 1 Kg kawi ka manyung.

U Deputy Commissioner da phah u ya waroh ki Government Approved Wholesaler wow li kit ki ya u dai (Masoor Dal) naka Godown u M/S Heimon Hinge, Jowai wei wow bood yaki kyndon wow pynpoi ya ki mar wa emkaam cha ki dukan Fair Price Shop (dukan rachon) kamjooh ki FPS Dealers yow ye ki u saam cha ki paidbah.

U DC da phah u leh yaki Wholesalers wa kiwa pynkrehkaam yaki FPS wow booh ki yaka stock wa biang kamjooh ka register neibynta ki stock.

Kiwa ym leh ya ini daw chah pynchitom katkam ki kyndon ka Meghalaya Foodgrains (Public Distribution System Control order, 2004.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024