Hadien wa em kattu katni kiwa wan uiñke suwari cha jylla Meghalaya kiwa dooh yei mynsien yong ki na ki daw wa boon, neiliang u Director ka chnat Tourism, u Cyril V. Diengdoh da pyntikna u wa ka chnat da pynkhreh ko wow pynchngaaiñ ya kiwa wan uiñke deiwa sdang ya ki ‘Tourist Buddies’ ha kylleiñ ki thaw wa pawnaam.
Da ong u wa neiliang ka chnat dadep e advertisement ko heiyatoh wa ini tangwa dang duna bha kiwa pyndap kamtæ dang pyrkhat kammon wow pynjanai ya ini i kaam.
Chooh chooh da ong u wa man i kaam wa suk bha neibhah wa em ki thaw da pynchlur ya ki khynroo wow pyndap wow man kam ki Tourist Buddies heiwa u man ki kam kiwa yah luti næ ki Tourist Guide.
Da ong u leh wa daw chah hikai ki leh kammon wow esumaar jhan namo ka First Aid wa Emergency Service lada emkaam heiwa u man ki kiwa nyngkong dooh wow yarap ya kiwa wan uiñke wow e yutip ya ki kamjooh leh wow kdaw luti.
U Cyril da ong u leh wa man iwa emkaam bha wow chimbynta ki tre chnong tre thaw deiwa pynrap wa daw sdang chwa yeini kam ha Sohra, ki thaw ha sor Shillong, Dawki, Mawlynnong wa kiwi kiwi wei mar dep neini daw ye u pyrkhat ya kiwi tawon ki thaw.
Discussion about this post