U Lamphang ka Meghalaya Legislative Assembly, u Thomas A. Sangma, ynne da chong yalang u wa ka High Powered Committee heiyatoh wa i chna thymme ya ka yung dorbar chna-aiñ namo ka Assembly Building ha Mawdiangdiang.
Ha kani ka yalang da em u montri rangbah ka jylla u Conrad Sangma, u symbood lamphang u Timothy D Shira, ki MLA kam u Charles Pyngrope, Lahkmen Rymbui, wa u Banteidor Lyngdoh, u Chief Secretary, u DP Wahlang, Commissioner & Secretary, Meghalaya Assembly, u Dr. Andrew Simons wa kiwi kiwi.
Hadien ka yalang u lamphang da pyntip u wa ka yalang ka HPC toh wow ebor ya ka tnoom-kyllung kawa thymme kamjooh wow pynlait poisa neibhah wa da boon i kreh.
Da ong u wa ini pynwandur thymme ya kani ka Yung Dorbar da leh da ka IIT Roorkee wa ka IIT Guwahati, deiwa pynrap wa i kreh ha kani ka yung u sdang noh i.
Chooh chooh da ong u wa hadien ka Eid daw sdang biang i kreh ha ini yung.
Heijooh i por da ong u wa ka HPC da thung ko ya ka Programme Monitoring Committee (PMC) katkam wa chem ka IIT Guwahati ha ka bui hadien wa oor ini i tnoom.
Da pyntip u leh wa ka PWD wa ka PMC da phah ya ki wow pait ya i kreh ha ka bynta wa ar.
