Ka Ministry of Social Justice and Empowerment daw sdang ko ya u National Helpline Against Atrocities (NHAA) nadooh ka 13 tarik uni u bnai yow pyntikna yei pynkrehkaam ya ka aiñ Scheduled Castes and the Scheduled Tribes (Prevention of Atrocities){PoA} Act, 1989 kawa da pynkrehkaam yow yada nei chah pynyap beiñ wei chah lehbeiñ ki Scheduled Castes (SC) wa ki Scheduled Tribes (STs).
Uni u National Helpline namo ka NHAA toh uwa krehkaam waroh 24 kynta deiwa Phone ha u Toll-Free Number 14566 ha kylleiñ ka ri. Ye leh wow Phone deiwa pynemkaam na kiwon kiwon ki Phone wa ki Land Line kamjooh da ki VOIP wei ye wow yaklam deiwa klam hei ktien Hindi, English wa ki ktien wa em ha ki jylla. Daw pynlait leh ya ka Mobile Application neibynta ini.
I thong kani ka Helpline toh yow pyntip paidbah chaphang ka aiñ yow pyndooh yei chah lehbeiñ wei wow e yada ya waroh. Kani ka Helpline daw pyntikna ko leh wa kiwon kiwon ki ujor da pynman ki kam ki FIR, u e yarap, waroh ki ujor daw takit ya ki wei ya ki Chargesheet daw bichaar da ka yung bichaar hapoh i por wa da booh da ka aiñ.
Ya ini leh da booh wow leh lyngba ka Website, wei ka NHAA daw pynman ko leh yei pynsñiawthooh chaphang ka Protection of Civil Right (PCR) Act, 1955 wa ki kyndon ya ka kamjooh.
Daw e ya ka Docket Number neibynta kiwon kiwon ki ujor wa yoh na kiwa chah ktah, ki seiñ heiyatoh yei wym bood ya ka aiñ POA Act, 1989 waka PCR Act, 1955. Ya ka ujor ye leh wow boodien Online.
