Ka Indian Railways daw sdang ko wow pynmih ya ki kattu katni ki Waiting Lists Tickets neibynta ki kyrdan (Class) lai luti neibynta ki Special Train kiwa da sdang wow pynemkaam nadooh ka 12 tarik uni u bnai.
Ha kini ki Special Train ym leh yaka RAC (Reservation Against Cancellation).
Ini i pynkylla thymme toh du yaki rel ki wow mih lai luti nadooh ka 22 tarik uni u bnai kiwa daw ye u leh Booking nadooh ka 15 tarik uni u bnai.
I rukom booh Waiting List yaka 1 AC toh 20 ngut, Executive Class toh 20 ngut, 2 AC toh 50 ngut, 3 AC toh 100 ngut, AC Chair Car toh 100 (du ha ki Train wa em Chair Car Class lada sdang yaki), Sleeper won 200 ngut (du ha ki Train wa em Sleeper Class lada sdang pynemkaam yaki).
Kiwi de ki rai da wa ka Indian Railways da chim ko heiyatoh waki Special Train kiwa da sdang nadooh ka 12 tarik uni u bnai man ki kamni ha wah:
Ki Waiting List u man ki kamwa da pynbna haneiñ.
Ym ye u leh yaka Tatkal/Premium Tatkal Quotas.
I bhah (Quota) ya kiwa da heh rta namo ka Senior Citizen Quota, Ladies Quota waka Quota ya kiwa duna hei doh i pran daw pynbna katkam ki kyndon wa da em chwa.
Ki kyndon Refund/Cancellation namo i pyndam yei lai luti hadooh 24 kynta chwa, daw pynuiñ 50% na i dor ka bai lai luti katwa kiwa pyndam hapoh 24 kynta chwa wow lai ym pynuiñ de yaka bai lai luti u pyndam noh ki. Wei u bood yaka Railways Cancellation and Refund rule 2015.
Kini ki kyndon toh du yaki Train kiwa daw mih u lai luti nadooh ka 22 tarik uni u bnai kiwa ye u leh Booking nadooh ka 15 tarik u May.
Discussion about this post