Daw sdang ka sorkar chwa u kut u snem wow pyndur yei e dawai yada khlam

Ka sorkar pyrdi da pynkhreh ko wow pynpoi ya i dawai yada khlam namo i COVID-19 Vaccine ha kylleiñ ka ri, wei neidaw wa kiwa daw e ya ini i dawai em ki yei kitkhlieh wa emkaam bha kamjooh kiwi kiwa embynta, neiliang ka sorkar da pynman ko ya i e sikai wa 2,360 tylli heiwa da chah sikai ki 7,000 ngut ha ki District waphær waphær ka ri.

Kini kiwa chah sikai toh kiwa da yabhah kam ki Medical Officers, Vaccinators, Alternate Vaccinators, Cold Chain Handlers, Supervisors, Data Managers, ASHA Coordinators wa kiwi de kiwa embynta ha ki kyrdan waphær waphær.

2,360 ngut toh kiwa da e sikai da ka sorkar pyrdi hi katwa ha ki jylla da chimbynta palat 7000 ngut lait na ha Lakshadweep kawa daw pynman haka 29 tarik uni u bnai. Ha ki 681 tylli ki District da dep e sikai ya 49,604 ngut wa kynthup ya ki Medical Officer hajrong ki kyndon wa hap bood. Ya i e sikai ya kiwa emlang heipor wa e dawai namo ka Vaccination Team Training da pyndep ha ki 1399 tylli na ki 17831 tylli ki Block/Planning Units wei dang pteiñ ha kiwi ki Block.

Kam chibynta wow pait hadooh katwon ini i pynkhreh man i iwa biang, daw pynman yei pyndur e dawai (Dry Run) ha ki 4 tylli ki jylla kitæ ha Andhra Pradesh, Assam, Gujarat, Punjab. Ha kini ki jylla daw pynkhreh ha ki 2 tylli ki District deiwa jied ya 5 tylli ki jait thaw sumaar kam ha ki District Hospital, CHC/PHC, Urban/Rural, ki thaw sumaar ki bur samen wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ini da booh wow leh haka 28 wa 29 tarik uni u bnai.

Ka National Expert Group on Vaccine Administration of COVID-19 (NEGVAC) da rai ko wa i rukom e dawai toh deiwa yabhah ha ki le bynta, kiwa nyngkong toh ki wareh ha ka chait i khiah namo ki Health Care Workers (HCWs) kiwa em kamwa 1 klur ngut, ki Frontline Workers (FLWs) (kamwa 2 klur mgut), wa kiwa jied dei rta (kamwa 27 klur).

Neidaw wa i dawai toh iwa hap booh ha i thaw wa dait thah, ki Cold Chain System kiwa em hapoh ka ri wa em 85,634 tylli daw pynemkaam wow booh ya ini i dawai ha ki 28,947 tylli ki Cold Chain Point wa em ha kylleiñ ka ri.

Kamwa em kattæ da ye wow booh ya i dawai neibynta ki 3 klur ngut kitæ ki Health Care Worker wa ki Front Line Worker.