Ka Jaintia Career Coaching Centre (JCCC) daw pynman ko ya ka Inauguration Ceremony ya ka Free Coaching Class neibynta ka MPSC wa ya ki DSC Exam ha ka 7 tarik uni u bnai heipor 1:30 i sngi. Ha kani ka Inauguration Ceremony yong kani ka Free Coaching Class daw em u Wailadmiki Shylla, MLA ka 2-Jowai Constituency kam u kongsan wei heijooh i por wow pynchlur wei e mynsien ya ki khynnah chwa wow yoh yei sikai.
ka JCCC da dep ko wow pynman ya ka Entrance Test neibynta kani ka Free Coaching ha ka 8 tarik yong u Naitung (April) 2022, heiwa kiwa yaleh da em ki 412 ngut wei kiwa da chah jied da em ki 100 ngut kiwa daw yoh ya kani ka e sikai wa mynkna namo ka Free Coaching.
Ka Jaintia Career Coaching Centre da angnood ko wa ki khon khynroo khyllood ka District wa ka jylla hi waroh kawi u yaleh chitom ki wei wow minot bha ha i pynkhreh yong ki ya kawon kawon ka Exam yaleh kreh khnang wow man ko i myntoi ya ki hanla ym ye ki wow lait ya kani ka Exam.
Chooh chooh ka JCCC da ong ko wa i pynkreh ya ki Competitive Exam daw pynyaar ko yei pyrkhat pyrdaiñ yong ki khon khynroo khyllood wow yarap bha ya ki wow yoh da kiwi won ki jait kaam hanla ym ye ki wow pyndep ya ka Exam wa thrang ki. Wei i pynkhreh ya kam kini ki Exam daw e ko chiboon i tip wa i nang i stat hawa yatoh wa ka imlang sahlang ha waroh ki liang.
Kamtæ ka JCCC ka kyrpad ko ya ka sorkar wow pynchlur ya ki khynroo wow yakhun ya kiwon kiwon ki Competitive Exam kiwa toh yong ka jylla wa ka Central leh kamjooh.
