Ka North East Centre for Technology Application and Reach (NECTAR) hapoh yong ka Saffron Bowl Project da jied ko ya ki thaw ha Arunachal Pradesh wa Meghalaya wow thung ya u syntu Saffron.
Ha Arunachal Pradesh da thung bha ya uni u syntu wei ha Meghalaya da pyrchang thung ya oo ha Sohra, Mawsmai wa kiwi kiwi.
Hapoh kani ka Project da antaad wow pynlut T. 17.68 lak ha Arunachal Pradesh wa Meghalaya heiwa na kani T. 6 lak da booh wow pynlut ha Barapani (Meghalaya).
Ha Meghalaya ki thaw wow thung ya uni u syntu man ki kamni hawah:
Barapani, Sohra, Mawsmai, Shillong wa Lalingtop.
Kani toh katkam ka yutip wa e u Montri khynnah wa pait ya ka chnat Science and Technology and Earth Sciences, u Dr. Jitendra Singh ha Lok Sabha ynne ka sngi.
