Khliehriat: U Deputy Commissioner (Election), East Jaiñtia Hills District, da pyntip paidbah u wa ka Election Commission daw pynman ko ya ka Special Submary Revision næ i pynpsiah pyrtuid thymme ha man la ki Polling Station ka wow sdang nadooh ka 01 Naikhynde 2018 hadooh 31 Naichiphaw 2018 neibynta kitu kiwa da dap 18 snem i rta deiwa pyndap ya ka Form – 6.
Neibynta wow pyndam namo boh (object) ya ki pyrtuid yong kiwon kiwon ki bru kiwa da yut chnong, kiwa da khlaad deiwa pyndap ya ka Form – 7.
Wow pynbait yeiwa bakla (Correction) kam i pyrtuid, jait, rta wa kiwi kiwi deiwa pyndap ya ka Form – 8 wei wow kyrriah pyrtuid cha kiwi tawon ki Polling Station ha ka jooh ka Constituency deiwa pyndap ya ka Form – 8A.
Da phah leh ya kiwa pyndap wow pynpoi ya ki Form cha ki bru sorkar wa da thung da kani ka yung krehkaam hapoh ka 31 Naichiphaw 2018.
Da pyntip u leh wa ki Booth Level Agents (BLA) yong ki seiñ saiñ hima ye ki wow pdiang ya i pynpsiah pyrtuid /pynbait (claim), wa ki ujor (objection).
U Deputy Commissioner Election da pyntip u leh wa ki bru ye ki wow wan leh cha ka yung krehkaam ha Khliehriat wow pyndep ya kitai ki kaam katkam ki tarik wa da kdaw hajrong.
Da pyntip wa da phah ya ki Booth Level Officer (BLO) wow lai ki cha ki chnong wow pyndep ya kani ka kaam.
U Deputy Commissioner (Elections), Khliehriat da kyrpaad u leh ya ki chnong wow krehlang wa ki bor chnong wow pynman ya kani ka kaam kawa jop.
Discussion about this post