Jowai: Ka khubor na ka yungkrehkaam u District Sports Officer, East Jaiñtia Hills, u K. Passah, da pyntip wa ym slem de daw sdang noh ya ka District Level Subroto Cup Football Tournament 2018.
Kani ka lympung toh neibynta ki khynnah skur ka East Jaiñtia wei daw bhah ya ka ha ki le kyrdan kitæ toh ki khynnah skur chynrang wa 14 snem chapoh, wa ki khynnah skur chynrang wa kynthai wa hapoh 17 snem i rta.
Ya ki Application Form da dep phah cha ki skur wa em hapoh ka District wei lada em ki skur ki wym em ya ki ye ki wow wan thooh ya ki ha ki kynta krehkaam.
Ka tarik wa khaddooh wow pdiang ya ki form toh ha ka 13-07-2018 wei ka tarik wow sylli ya i rta ki khynnah toh ha ka 16-07-2018 ha yungkrehkaam u DSO.
Da pyntip leh wa kiwa chimbynta toh u rah lang ki ya ka Birth Certificate wa da yoh na ka sorkar.
Discussion about this post