Shillong: Ka yung krehkaam District Medical & Health Officer, East Khasi Hills District da pynttip ko wa ka Department of Health & Family Welfare, East Khasi Hills, Shillong daw pynman ko ya ka Special Intensified Mission Indradhanush Programme hapoh ka Gram Swaraj Abhiyan ha kani ka District nadooh ka 21 hadooh 25 tarik uni u bnai.
Ka thong yong kani ka Programme toh wow e dawai tika (Immunization) cha ki khynnah kiwa hapoh 2 snem i rta kamjooh ya ki kynthai kiwa pun khon.
Kamtæ da kyntu ya ki manbei manpa wow yah ya ki khon yong ki kiwa hapoh 2 (ar) snem ha ki thaw wa da booh ha ki chnong wa ki dong yong ki.
Da kyrpaad leh ya ki waheh chnong, ki waheh ki balang, ki NGO, wa kiwi kiwi wow ksohkti ki wa kani ka tnat wow pyntikna wa ki khynnah yoh dawai ki.
Discussion about this post